Моќта на црниот ориз

За време на владеењето на кинеските цареви, црниот ориз се одгледувал во мали количини, затоа што бил наменет само за кралското семејство, додека ,,обичниот,, народ не смеел ни да го одгледува ниту да го консумира. Денес, повеќе нема статус на ,,забранет,, но производството на црниот ориз и понатаму е помало во однос на белиот и на кафеавиот ориз.

Црниот ориз во Кина има статус на света храна. Научниците тврдат дека оваа намирница може да биде нов член во групата намирници наречени суперхрана. Во себе има малку шеќер, но е преполн со влакна и со растителни материи, кои се добри за срцевите болести и разни видови рак.

Тим стручњаци од Универзитетот во Луизијана, САД, ги анализирале никулците од црниот ориз и пронашле големи количини во вода растворливи антиоксидантни антоцијанини. Тие се заслужни за пигментацијата на разни видови овошја и зеленчуци, како што се, на пример, боровинките и црвените пиперки. Половина филџан варен црн ориз содржи околу 160 калории и изобилство од фитонутритиенти, а покрај тоа е добар извор на влакна, железо, бакар и белковини.

Во споредба со други видови ориз, црниот е најбогат со антиоксиданти – содржи шест пати повеќе антиоксиданти од сите други видови ориз и двојно повеќе содржи влакна.

Освен тоа, црниот ориз е и значително побогат со белковини: половина филџан варен црн ориз содржи пет грама белковини. Црниот ориз спаѓа во безглутенски намирници, па е идеален за оние кои боледуваат од целијакија, а се претпоставува дека секој седми човек во светот е чувствителен на глутен. Присуството на антоцијанините ја прави оваа намирница одлична во спречувањето на создавање масни наслаги во артериите и со тоа го намалува ризикот од срцев удар. Овие антиоксиданти го контролираат нивото на холестерол подобро од која било друга состојка во храната, а воедно штитат од слободните радикали и ги намалуваат воспалителните процеси во организмот. Витаминот Е, еден од антиоксидантите што се содржи во оваа намирница, ги чува клетките на очите од делувањето на слободните радикали, спречувајќи на тој начин појава на многу очни болести, како што е, на пример, катарактата.


Благодарение на силните антиоксиданти кои ги содржи, црниот ориз ги подобрува мозочните функции. Истражувањата вршени врз глувци покажало дека оваа намирница значително го забавува стареењето на мозокот. Одредени групи антиоксиданти, меѓу кои првенствено се антоцијанините, го подобруваат процесот на учење и на помнење. Консумирањето на црн ориз помага да се исчисти организмот од токсини и го спречува настанокот на замастен црн дроб. Со одглед на тоа дека содржи корисни влакна, црниот ориз спречува констипација, надуеност и други тегоби со варењето. Влакната од него се врзуваат за токсините и со тоа го олеснуваат нивното исфрлање од организмот. Благодарение на тоа, оваа намирница е идеален избор за сите оние кои сакаат да се ослободат од вишокот килограми.