Боровинки – богати се со флавоноиди, антиоксиданти кои го штитат мозокот од оксидативен стрес, го подобруваат дотокот на крв во мозокот, мозочната активност, па дури и памтењето.
Руколата – изобилува со нитрати кои доведуваат до подобро снабдување на мозокот со кислород. Едно истражување покажало дека постарите личности кои јадат една до две порции зелен листест зеленчук дневно покажуваат когнитивни способности кои можат да се споредат со способностите на 11 години помлади личности.
Ореви – содржат алфа-линолеинска киселина, омега-3 масна киселина која се наоѓа во билките. Една студија покажала дека личности на возраст од 65 до 75 години кои имаат поголемо ниво на алфа-линолеинска киселина во крвта постигнуваат подобри резултати на тестовите за флуидна интелигенција.
Цимет – може да ја подобри способноста за учење и памтење и на тој начин го забавува памтењето кај личностите кои боледуваат од Алцхајмерова болест. Истражувањата, исто така, покажале дека овој зачин може да го забави напредувањето на Паркинсоновата болест.
Маслиново масло – содржи антиоксидант олеокантал за кој се смета дека ја чува способноста за памтење и учење, како и дека го намалува ризикот од Алцхајмерова болест.
Морска риба – богата е со ДХА и ЕПА омега -3 масни киселини кои ги ублажуваат воспалителните процеси во мозокот и ги намалуваат шансите за појава на Алцхајмерова болест.
Јајца – жолчката од јајцето претставува добар извор на холин, витамини од Б-комплексот кој поволно делува на здравјето на мозокот. Холинот се претвора во ацетилхолин, невротрансмитер кој е од клучна важност за концентрација и памтење.
