Црниот дроб има важна улога во организмот со оглед на тоа дека учествува во метаболизмот на јаглехидратите, протеините и мастите, додека истовремено учествува и во детоксикацијата на организмот. Заради сите овие факти денес зборуваме за храната и напитоците кои го поддржуваат црниот дроб.
Кафе – одделни истражувања укажале на тоа дека кафето би можело да помогне во превенцијата на неалкохолен масен црн дроб, како и дека редовното консумирање на овој напиток би можело да го намали ризикот од карцином на црниот дроб. Студија од 2014 година укажала на тоа дека кафето го намалува таложењето на мастите во црниот дроб, како и дека им помага на ензимите на црниот дроб да го ослободат телото од канцерогените супастанци.
Грејпфрут – содржи два антиоксиданти – нарингин и нарингенин кои ги намалуваат воспалителните процеси и ги штитат клетките на црниот дроб додека, исто така, го намалуваат таложењето на мастите во црниот дроб и ги зголемуваат ензимите кои ги метаболираат мастите.
Боровинки (како и другото темно зрнесто овоошје) – содржат изобилство на полифеноли кои го штитат црниот дроб од оштетувања.
Јаткасти плодови – содржат незаситени масни киселини, витамин Е и антиоксиданти кои помагаат во превенцијата на неалкохолна масна болест на црниот дроб, ги намалуваат воспаленијата и оштетувањата настанати заради дејството на слободните радикали.
Маслиново масло – според една студија, со вклучувањето на ова масло во исхраната се намалува оксидативниот стрес и се подобрува функцијата на црниот дроб.
Лук – според студија од 2016 година, конумирањето лук доведува до намалување на телесната тежина и процентот на масти во телото кај личностите со неалкохолна масна болест на црниот дроб.
