Ако попладне имате потреба за кафе и калорична храна за да го намалите чувството на замор, обидете се за време на главните оброци и ужината да јадете намирници кои ќе ви го подобрат нивото на енергија, а тоа се:
- Цвекло – содржи антиоксиданти и нитрати кои го зголемуваат снабдувањето на мозокот и мускулите со крв, а со самото тоа и со кислород.
- Авокадо – богато е со витамини од Б-комплексот, кои го поттикнуваат процесот на претворање на храната во енергија, а содржи и здрави масти кои ја зголемуваат апсорпцијата на хранливите материи од храната.
- Сладок компир (батат) – претставува одличен извор на комплексни јаглехидрати, кои побавно се разложуваат, и влакна. Овој тип намирници не предизвикува нагло зголемување на шеќерот во крвта, па обезбедува стабилен доток на енергија во текот на повеќе часа после оброкот.
- Зелен листест зеленчук – изобилува со железо, фолна киселина, магнезиум, калиум, калциум, како и витамини А, Ц, Е и К. Овој зеленчук го намалува ризикот од анемија која е еден од честите причини за умор кај жените.
- Банани – богати се со калиум, магнезиум и витамини од Б-комплексот, и претставуваат одличен извор ја јаглехидрати кои обезбедуваат дополнителна доза на енергија во текот на денот.
- Црно чоколадо со најмалку 70 % какао делови – добар извор на кофеин и теобромин кои поволно делуваат на енергијата и расположението. Чоколадото е, исто така, богато со антиоксиданти кои ја забрзуваат циркулацијата и го подобруваат дотокот на крв во мозокот и мускулите.
- Вода – дехидратацијата го забавува создавањето на енергија и предизвикува чувство на умор. Дури и ако не содржи калории, водата е неопходна за стабилно ниво на енергија.
