Имате впечаток дека сè почесто ја губите битката со стресот?! Без паника можете да си помогнете, и тоа на природен и вкусен начин. Во оваа борба, пред сè, можат да ви помогнат следните пет намирници.
Портокали
Агрумите како портокалите и мандарините содржат висока количина на витамин Ц, кој се покажал како корисен во борбата против стресот. Зголеменото ниво на витамин Ц може да го намали нивото на кортизол (хормонот на стрес), како и вашиот крвен притисок кој може да се зголеми во текот на подолгите стресни ситуации.
Јаткасти плодови
Бадемите, ф’стаците и оревите се богати со омега-3 масни киселини кои го намалуваат нивото на стрес и истовремено штитат од депресија.
Овесна каша
Не само што е здрав појадок кој ќе ве засити, туку овесната каша го намалува и нивото на хормонот на стресот. Овесната каша, исто така, може да го зголеми нивото на серотонин, хормон кој ја има главната улога во ситуациите кога се чувствуваме среќно и задоволно.
Темнa чоколадa
Освен што е одличен деликатес, чоколадата може да направи чуда кога е во прашање вашето расположение, а го ублажува стресот и кај лицата кои страдаат од анксиозност.
Чај од камилица
Ако сите горенаведени намирници сè уште не се доволни за да се ослободите од стресот, обидете се со шолја топол чај од камилица. Оваа топла напивка има својства кои ќе го ублажат стресот и ќе ве смири во текот на нервозните ситуации.
