Зеленчукот и овошјето најчесто се советуваат како задолжителни за време на диетите, но имајте на ум дека во ништо не треба да се претерува, па ни во нивната консумација. Што треба да избегнувате доколку сте на диета?
Тропско овошје
Овошјето како манго и ананас е исклучително вкусно, но содржи многу шеќер, што значи дека содржи и многу калории. Наместо нив, јадете јаболка, кои имаат помалку калории и содржат влакна што се одлична помош при диета.
Суво овошје
Дали сте знаеле дека една шолја суво грозје содржи околу 500 калории, додека една шолја суви сливи содржи 447? Ако веќе не можете да одолеете, барем внимавајте на количината која ја внесувате.
Авокадо
Се покажа дека ова, за многумина омилено овошје, содржи и најмногу калории (една шолја исечкано авокадо содржи 384 калории), како и масти, кои се добри за здравјето на срцето. Секако, не би требало сосема да го елиминирате, но не претерувајте со количината.
Сокови од овошје и зеленчук од продавница
Иако ова е најлесниот начин да се задоволат потребите на организмот за минерали и витамини, тие можат да содржат многу повеќе сол и шеќер отколку што мислите. Пред да ги купите овие сокови, задолжително прочитајте ги состојките.
