Британски кардиолог тврди: Јадете масти, избегнувајте „лајт“ производи!

Постојат бројни докази кои покажуваат дека мастите не само што не доведуваат до срцеви проблеми, туку исхраната која вклучува полномасни млечни производи, штити од срцеви заболувања и дијабетес тип 2

Колку пати сме слушнале дека мастите се штетни за здравјето, бидејќи ги запушуваат артериите, го зголемуваат ризикот од срцеви заболувања, придонесуваат за вишок на килограми… Но британскиот кардиолог, д-р Асим Малхотра го тврди токму спротивното. И не е единствен во тоа!

Имено, новите истражувања покажале дека непријател број еден на вашето тело е – шеќерот! Покрај тоа д-р Малхотра вели дека полномасните производи се добри за здравјето и дека постојат бројни докази кои покажуваат дека мастите не само што не доведуваат до срцеви проблеми, туку исхраната која вклучува полномасни млечни производи, штити од срцеви заболувања и дијабетес тип 2.

Д-р Малхотра ги охрабрува своите пациенти да јадат масти, но да ги избегнуваат „лајт“ производите.

„Им советувам да јадат полномасни производи и намирници кои содржат заситени масти. Уште кога ќе им напоменам да се држат настрана од се што наводно го намалува холестеролот, тие ме гледаат со отворена уста!“, вели кардиологот.

Д-р Асим Малхотра по професија е кардиолог

Д-р Малхотра вели дека полномасните производи се добри за здравјето и дека постојат бројни докази кои покажуваат дека мастите не само што не доведуваат до срцеви проблеми, туку исхраната која вклучува полномасни млечни производи, штити од срцеви заболувања и дијабетес тип 2

 

Докторот објаснил и дека сите производи кои наводно го намалуваат холестеролот, го зголемуваат ризикот од срцеви заболувања и додава дека мастите не се (главните) виновници за дебелината.

„Ги избегнував полномасните производи, тренирав, но сѐ уште имав сало на мојот стомак. Потоа почнав да го истражувам влијанието на мастите врз здравјето“, вели докторот.

Дебелината нема никаква врска со броењето на калориите, туку со она што го јадеме

Д-р Малхотра тврди дека најголема опасност по здравјето на човекот е шеќерот, а со него се согласува и проф. д-р Роберт Лустиг, педијатар. И тој го проучувал влијанието на мастите и шеќерот врз дебелината кај децата и заклучил дека производите кои содржат шеќер треба да имаат истакнати предупредувања, како што имаат цигарите или некои алкохолни пијалаци.

Се повеќе и повеќе експерти веруваат дека главниот виновник за прекумерната тежина и цела низа поврзани болести не се мастите, туку шеќерот.

„Не се дебелеете од мастите, баш како што не станувате зелени од зеленчукот што го јадете“, вели кардиологот, а д-р Гари Тобс предупредува дека дебелината нема никаква врска со броењето на калориите, туку со она што го јадеме.

Во прилог на ова говори и фактот дека околу 23 проценти од населението во Шведска се придржува до режим на исхрана кој подразбира полномасни производи и што помалку јаглехидрати.

Д-р Малхотра тврди дека мастите не дебелеат

Шведскиот експерт д-р Андреас Енфелдт, кој ја осмисли програмата на исхрана со помалку јаглехидрати, а повеќе масти, укажува дека многумина мислат дека неговиот диететски режим е „темпирана бомба“, но додека секаде во светот има се повеќе и повеќе дебели луѓе, факт е дека бројот на луѓе со прекумерна тежина во Шведска постепено се намалува.

Покрај тоа, две студии кои во 2014 година кои ги спровела Федерацијата за медицински истражувања на Универзитетот во Кембриџ, покажале дека заситените масти од млечните производи, ако се консумираат умерено, го намалуваат ризикот од дијабетес тип 2 и срцеви заболувања.