Кога сме на диета обично се обидуваме да ги одбегнуваме маснотиите, но треба да се знае дека тоа не е добро. За маснотиите се врзуваат разни витамини и минерали кои, во недостаток од маснотии, не се апсорбираат туку само поминуваат низ нашиот организам. Нездравите маснотии го зголемуваат нивото на лош холестерол и ризикот од создавање кардиоваскуларни болести, додека здравите маснотии го прават токму спротивното. Затоа воведете ги во секојдневната исхрана и направете нешто добро за своето здравје!
Риба
Природно масните риби како лососот, скушата, харингата, сарделите, пастрмката и туната се полни со омега 3 масни киселини. Содржат „добри“ маснотии кои помагаат во одржувањето на здравјето на срцето и мозокот. Препорака е риба да се јаде два пати неделно. Препорачано количество по порција е со големина на шпил од карти. Рибата подгответе ја во рерна, на пареа или на жар.
Авокадо
Може да се јаде на различни начини. Послужете го во салата, сендвич или направете гвакамоле. Добро е за срцето, а заради здравите маснотии може да ги ублажи симптомите на остеоартритис. Во комбинација со друга храна, му помага на телото да ги апсорбира останатите хранливи состојки. Половина авокадо со средна големина содржи од 115 до 160 калории.
Семки
Семките од тиква, сончоглед, сусам и лен содржат добри маснотии кои можат да го намалат нивото на лош холестерол. Лоши масти главно содржат полномасните млечни производи и оние со животинско потекло. Пред купувањето на некој производ погледнете го составот.
Оревести плодови
Иако оревестите плодови како бадемите, лешниците и оревите изобилуваат со здрави маснотии, тоа не значи дека смеете да ги консумирате во неограничени количества. Днево изедете до 14 половинки орев, 24 бадеми, 35 кикиритки или 15 лешници.
Маслиново масло
Маслиновото масло можете да го користите за готвење или приготвување вкусни салати. Без оглед на тоа што маслиновото масло спаѓа во здрави намирници, би требало да внимавате на количеството затоа што сепак се работи за масло.
Зеленчук
Темнозелениот зеленчук како спанаќ, кељ и прокељ изобилува со омега 3 масни киелини. Со оглед на тоа дека телото самостојно не може да произведе ваков вид на маснотии, мораме да ги внесуваме преку храната. Препорака е секојдневно да се изедат 2 до 3 шолји зеленчук.
Јајца
Богати се со белковини, а едно поголемо јајце содржи помалку од 5 грама масти, и тоа здрави масти. Можете да најдете и јајца кои се дополнително обогатени со омега 3 масни киселини.
Грав
Сите виодви грав содржат омега 3 масни киселини, кои се погодни за нашето психичко и физичко здравје. Гравот пригответе го како вариво, салата или лесен намаз.
