Какаото е пијалак на кој сите радо се сеќаваме од нашето детство. И како возрасни не треба да се воздржуваме од оваа убава и здрава навика, која е особено препорачлива пред спиење. Еве како, вушност, влијае какаото на нашето тело.
Ја зајакнува меморијата – какаото содржи многу вредни флавоноиди кои директно влијаат врз подобра функција на мозокот и на тој начин го подобрува памтењето и спречува појава на деменција во староста.
Се грижи за срцето и крвните садови – ако не сте знаеле, какаото совршено го стабилизира крвниот притисок, ги зајакнува крвните садови и на тој начин го намалува ризикот од кардиоваскуларни болести.
Помага при закрепнувањето на мускулите – повеќе пати е докажано колку е какаото важно во закрепнувањето на мускулите, па се препорачува после тренинг да се напиете шолја топло чоколадо или какао, бидејќи се полни со протеини, кои се важни за регенерацијата на мускулите и здрави јаглехидрати, кои брзо ќе ја надоместат изгубената енергија. А во комбинација со млеко, ќе го снабдат организмот со изгубените електролити.
Го подобрува расположението – покрај бенефитите за физичкото здравје, какаото има совршен ефект и врз нашата психа, па ако навечер се чувствувате растргнато од стресот преку денот и ви треба мала помош да се опуштите и подобро да заспиете, напијте се шолја топло какао.
Го спречува прејадувањето навечер – иако е калорично, навечер е подобро да се напиете една шолја какао наместо чај. Ова е затоа што калориите од какаото малку ќе ве заситат, па нема да почувствувате потреба за уште еден оброк пред спиење.
