Топла вода со лимон
Придонесува за намалување на тежината, за отстранување на токсините од телото, го подобрува имунитетот, состојбата на кожата и метаболизмот. Причината лежи во тоа што лимонот влијае на лептинот – хормонот на ситоста. Доколку лептинот не е во рамнотежа, телото почнува да создава масни наслаги. Лимонот уште помага и да се избегне дехидратацијата.
Рецептот е едноставен: исцедете сок од половина лимон во чаша топла вода и испијте ја течноста наеднаш. Дефинитивно денот ќе ви почне поубаво со помош на овој напиток.
Златно млеко
Го подобрува имунитетот и доведува до рамнотежа на нивото на хормони во организмот. Овој напиток загрева, освежува и смирува. Се состои од куркума, кокосово масло и засладувач – состојки кои прават корисна комбинација за регулирање на хормоните и воопшто благотворно делува на организмот. Ајурдведата ја смета куркумата за активен зачин, кој ја подобрува циркулацијата и метаболизмот на естрогенот.
Рецепт: во 200 мл зовриено млеко додадете половина кафена лажичка куркума и лажичка кокосово масло. По желба може да се додаде и мед, а напитокот е подобро да се пие навечер.
Чај од листови од малина
Листовите од малина од дамнина се користат за зајакнување на мускулите на матката. Научните истражувања потврдиле дека оваа билка благотворно влијае и на работата на хормоните.
Рецепт: прелијте една супена лажица листови од малина (може да се користат и суви) со 200 мл зовриена вода и оставете да отстои 10 минути. Чајот е подобро да се пие во текот на денот, отколку пред спиење.
