Мелатонинот е хормон што го создава епифизата, мала жлезда во средината на мозокот. Долго се знае дека мелатонинот е регулатор на дневно-ноќниот ритам и дека неговото излачување зависи од менувањето на денот и на ноќта. Мелатонинот се лачи само навечер, во темница, а поттик за негово лачење е престојот преку ден на сончева светлина. Значи, мозокот мора да добие информација дека денот е завршен и дека почнала ноќта за да би се создал мелатонинот.
Бројни научни истражувања потврдуваат дека мелатонинот игра улога на најсилен антиоксидант во телото.
„За време на клеточниот метаболизам се создаваат многу производи на оксидацијата кои ги нарекуваме слободни радикали на кислородот, а кои делуваат како корозивни елементи. Мелатонинот навечер ги отстранува слободните радикали и спречува оштетување на клетките. Тоа е уште еден очигледен пример кој докажува дека нашето тело поседува свои сопствени механизми за внатрешна репарација, па ако ги следиме природните животни ритми, спречуваме и појава на болести“, појаснуваат стручњаците.
Но, тие додаваат дека, за жал, во забрзаниот стил на живеење прво од што се одрекуваме е токму спиењето. Се уверуваме дека спиењето може да причека, велат лекарите.
Проблемот е што сите вечерни активности ја блокираат синтезата на мелатонинот и потпомагаат во корозијата на нашето тело. Стареење на кожата, вишок килограми, зголемување на крвниот притисок, дијабетес тип 2, хронични болни состојби, глауком, неплодност, анксиозност, депресија, мигрена и малигни тумори се само некои од состојбите кај кои научно е докажано дека постои недостаток на мелатонин.
Во физичка смисла недостатокот на мелатонин се покажува како синдром на немирни нозе, пореметување кое му пречи на спиењето, замор, болки во абдоменот со грчеви од непознат причинител, знаци на прерано стареење, обелување на косата, појава на брчки, подочници, депигментација на кожата…
