Фластерите во блиска иднина би можеле да станат вистински гаџети, кои ќе бидат во можност да ја следат состојбата на раната која ја штитат, но и да даваат лекови и на тој начин да станат активен дел од процесот на лекување.
Станува збор за изум на научници од Универзитетот „Тафтс“, кој е се уште само прототип, кој има сензори за температура и pH сензори за да може да ги следи знаците на воспаление и инфекција и да даде соодветен лек. Професорот Самер Сонкусал изјавил дека многумина тргнале во насока на развој на овие фластери поради развојот на флексибилната електроника.
„Флексибилната електроника овозможи развој на многу медицински уреди кои се носат, но завоите не се променија значајно од почетокот на медицината“, изјавил Сонкусал во соопштението за јавноста
Изгореници, дијабетес или други болести може да предизвикаат хронични рани кои можат да доведат до инфекции, па дури и ампутации. Со ваков фластер би можело порано да се открие инфламаторното ткиво и инфекција. Фластерот работи така што микропроцесорот ги чита податоците кои доаѓаат од сензорот и, доколку е потребно, може да го испушти потребниот лек со загревање на хидрогелот. Во моментов се во тек претклиничките истражувања.
Инаку, пред четири години, научници развиле фластери кои со боја реагираат и покажуваат колку кислород добива раната, а минатата година група научници развиле фластер, кој може да даде лек по потреба.
