Децата кои до тинејџерската возраст ќе ја симнат прекумерната тежина, немаат зголем ризик од дијабетес. Дебелината е најопасната во пубертетот бидејќи нашето тело тогаш послабо го користи инсулинот.
Дебелината е поврзана со поголем ризик од многу болести, но новите истражувања покажуваат дека постои граница до која работите се уште може да се поправат.
Големата данска студија покажала дека дебелите деца кои до 13 години ја довеле својата тежина во нормала немаат зголем ризик за дијабетес кога ќе пораснат во споредба со врсниците кои никогаш не биле претешки. Досега не беше познато дали се намалува и до која мера ризикот од дијабетес со губење на килограмите.
Децата со вишок килограми имаат поголем ризик од заболување од дијабетес тип 2
Во истражувањето биле вклучени 62 565 мажи во Данска, чие здравје редовно се контролирало за време на школувањето и во армијата. Биле споредувани податоци на возраст од 7, 13 и помеѓу 17 и 26 години. Заклучокот е дека дебелината е најопасна во тинејџерските години. Причината за тоа, објасниле научниците, е тоа што нашиот организам тогаш станува поотпорен на инсулин. Мускулите и органите веќе не користат инсулин подеднакво квалитетно како дотогаш.
„Овие сознанија носат надеж за подобро здравје ако родителите успеат да им помогнат на своите деца со прекумерна тежина да достигнат нормална тежина“, изјавил за „Дејли мејл“ Стивен Гортмакер од Харвард, кој се занимава со дебелината кај децата.
