Дискутабилна тема: Можете ли да добиете дијабетес од газирани пијалаци?

Ако сакате да спречите преддијабетес, престанете да пиете газирани пијалаци и фокусирајте се на здрава исхрана богата со протеини, многу овошје и зеленчук и сложени јаглехидрати, како што се житарки со цели зрна, кои нема да го нарушат нивото на шеќер во крвта

Пиењето газирани пијалаци не е лошо само за цревата: газираните пијалаци, исто така, може да го зголемат ризикот од развој на преддијабетес, покажале истражувањата. Имено, во студијата објавена во магазинот „Journal of Nutrition“, во која учествувале 1 600 луѓе, кои редовно пиеле газирани пијалоци повеќе од три пати неделно во тек на 14-годишен период, имале 46 проценти поголеми шанси да развијат преддијабетес, состојба при која е покачен шеќерот во крвта, но не колку кај дијабетесот, за разлика од оние кои не пиеле такви пијалаци.

Само една лименка (0,3 литри сок), повеќе од три пати неделно, е доволно за да се зголеми ризикот по здравјето

„Една од можните причини е тоа што шеќерот, кој го содржи секој газиран пијалак, може да го преплави организмот на консументот со вишок на гликоза и фруктоза“, истакнале авторите на студијата.

Ако сакате да спречите преддијабетес, престанете да пиете газирани пијалаци и фокусирајте се на здрава исхрана

„Додадените шеќери може да го подигнат нивото на шеќер во телото за многу кратко време. Но, исто така, и да ја нарушат работата на организмот долгорочно, менувајќи го начинот на кој панкреасот го ослободува инсулинот, хормон кој му овозможува на телото да ја апсорбира гликозата за енергија. Како резултат на тоа, може да развиете отпорност на инсулин, состојба во која на телото му треба се поголема и поголема количина на инсулин за да функционира“.

За редовните консументи на газирани пијалаци, високиот ризик од преддијабетес би требало да биде опомена

Кога телото не може да излачи доволна количина на инсулин за да го задоволи ова барање, гликозата се насобира во крвта, што пак води кон развој на преддијабетес, и на крајот дијабетес.

Додадените шеќери може да го подигнат нивото на шеќер во телото за многу кратко време

„Ако сакате да спречите преддијабетес, престанете да пиете газирани пијалаци и фокусирајте се на здрава исхрана богата со протеини, многу овошје и зеленчук и сложени јаглехидрати, како што се житарки со цели зрна, кои нема да го нарушат нивото на шеќер во крвта“, советуваат експертите.

Исто така, и губење од најмалку 5 проценти од вашата телесна тежина може да помогне да го задржите шеќерот во крвта под контрола.

Ако не го промените стилот на живот откако ќе ви биде дијагностициран преддијабетес, на пат сте многу брзо да добиете дијабетес.