Бројни истражувања наведуваат дека кафето има и здравствени предности, еве некои од нив зошто е добро за организмот… А доколку се држите до овие совети, тогаш од кафето ќе го извлечете најдоброто.
Бидете внимателни со додатоците, како шеќери и масти. Карамелата, шлагот и полномасното млеко се гревови кои треба да се прескокнат заради високиот број калории.
Внимавајте на количеството! Оптималниот број дози во денот е 1 до 3 филџани кафе. Меѓутоа, кофеинот секому различно му влијае. Доколку ве прави нервозни, ви се тресат рацете или имате грчеви намалете го количеството.
Не пијте кафе навечер ако ви го ремети сонот. Квалитетниот сон треба да е на прво место.
Преполно е со антиоксиданти! Да, добро прочитавте кафето, замислете, има повеќе антиоксиданти од овошјето и зеленчукот. Антиоксидативната состојка во кафето наречена полифенол успешно се бори со слободните радикали во телото.
Го намалува ризикот од дијабетес тип 2. Во 2009 година било спроведено истражување врз 40 000 испитаници, а учесниците забележале дека со консумација на 3 филџани кафе на ден доаѓа до помал ризик од развој на дијабетес тип 2.
Добро е за топење на мастите! На овој процес делува на тој начин што го забрзува метаболизмот за 3-11 %. Ова делува само под услов да нема додатоци.
Го намалува ризикот од Паркинсонова болест! Магазинот Journal of the American Medical Association во 2000 година објавил резултати од истражување во кое се докажало дека кофеинот го намалува ризикот од Паркинсонова болест. Делува и кај луѓето кои веќе боледуваат од неа, во контролата на движењата.
Го намалува ризикот од создавање тумори! Антиоксидантите во овој случај тргаат во борба, а ова особено се однесува на туморите на црниот дроб и матката.
Делува против мултиплекс склероза! Во студијата објавена во магазинот Journal of Neurology, Neurosurgery & Psychiatry, истражувачите откриле дека најмалку 4 филџани кафе на ден го намалуваат ризикот од оваа болест, па дури и ги ублажуваат симптомите. Тие веруваат дека кафето помага при смирувањето на невронските воспаленија одговорни за МС.
Добра превенција е од Алцхајмер. Консумирањето кафе веќе со години се поврзува со намалување на ризикот од развој на Алцхајмерова болест. Состојката тригонелин пронајдена во кафето има невропротективни својства, а со консумирање 2-3 кафиња на ден може значително да се намали ризикот од Алцхајмер и деменција.
Добро е да се испие кафе пред вежбање, зашто ја подобрува кондицијата и издржливоста. Едно истражување објавено во британскиот магазин Sports Science, открило дека луѓето кои пиеле каде пред трчање на целта стигнале за 4,2 секунди побрзо од контролната група.
Го штити црниот дроб – уште една причина зошто да се чувствувате добро заради вашиот омилен утрински ритуал – пијачите на кафе имаат намален ризик од цироза на црниот дроб. Со само 2 филџани дневно го намалувате ризикот од оваа болест за 43 проценти.
Превенција од мозочен удар! Податоците од неколку студии сугерираат дека најмалку 2 филџани дневно може да го намалат ризикот од мозочен удар до 14 проценти.
Ги намалува болките од мигрена! Кофеинот всушност е главна состојка на многу лекови за ублажување на болката, па не зачудува фактот дека за некои луѓе токму филџан кафе е спас од болки. Меѓутоа сите тела различно реагираат на кофеин, а истражувањата покажале дека ако не сте редовен пијач на кафе тогаш филџан силно кафе повеќе ќе влијае на вас и вашите болки, отколку кај некој кој редовно внесува кофеин.
Помага во одржувањето на концентрацијата – причина плус зошто повеќето од нас наутро прво посегнуваат по кафе е затоа што ни помага да си „дојдеме на себе“ и да го почнеме денот со насмевка! Кофеинот значително ја подобрува менталната будност и позитивно влијае на подрачјето во мозокот задолжено за памтење и концентрација.
МЕСТО ЗАКЛУЧОК – Го продолжува животот! За сите контроверзи околу кафето, намалениот ризик од толку болести и предностите по менталното здравје не воодушевија, па можеме да продолжиме да уживаме во нашето сакано кафе! Се разбира, во умерени количества и, како што веќе напоменавме, без вишок шеќер или вештачки вкусови. Добриот стар рецепт – црно каде со минимално количество шеќер најдобро ќе си ја заврши работата.
