Ако кафето ви е омилениот утрински ритуал, еве што треба да знаете за него

Освен советите за умерено консумирање кафе би било добро да посветите внимание на уште неколку навики

 

Кафето претставува еден од омилените напитоци во светот, а истовремено е и одличен извор на антиоксиданти. Меѓутоа, освен советите за умерено консумирање кафе би било добро да посветите внимание на уште неколку навики.

За почеток, ако наутро имате обичај да не појадувате, туку само да ја испиете својата неопходна доза кафе, потрудете се барем наутро да внесете доста течности. Идеално би било пред кафето да испиете 1 – 2 чаши вода или, уште подобро, голема чаша млака вода со сок од половина лимон. Водата со лимон ќе ве разбуди и во исто време ќе го поттикне ослободувањето на токсините од телото. Исто така, одбегнувајте да пиете кафе со разни сирупи, замени за млеко, „кремови“, како и инстант мешавини и типот 2 во 1 или 3 во 1, кои освен вештачки засладувачи често содржат и разно-разни адитиви.