Не се сите производители искрени кон своите потрошувачи, а некои не само што по малку не „моткаат“, туку и отворено мамат. Како е можно тоа? Заради недостаток на закони и регулативи, дури и во некои западни земји кои се гордеат со силните контроли! Понекогаш кога купуваме некој производ воопшто не знаеме што всушност сме купиле, а ова се некои од најчестите примери:
Чипс
Оние кои ја купуваат омилената „забава“, и тоа во светски рамки, се убедени дека добиваат пржени компирчиња, кои се само обработени индустриски и добро посолени, се лажат. Имено, повеќето чипсови не се направени од компир. Производителите користат брашно (пченично или пченкарно) и мешавина од скроб, а како некое непишано правила смесата за чипс не содржи повеќе од 42 отсто компири. „Природниот“ вкус се создава благодарение на додавањето на разни адитиви.
Конзервирана храна
Како по правило, вкупната тежина на конзервата или теглата може да се види истакната со поголем фонт, додека исцедената маса секогаш е назначена со многу поситен. Ни тоа не е се – тестирањето на храната во САД покажало постојани отстапки во смисла дека исцедената маса во преку 90 отсто од случаите изнесувала помалку од што било наведено на декларацијата.
Кашкавал за сендвичи (листови)
Баш како и чипсот, во листовите кашкавал тешко дека некој видел кашкавал. За да заштедат одредени потрошувачи често млекото го менуваат со веј протеин или, пак, палмино масло. Таквиот производ се нарекува „производ со кашкавал“, а не кашкавал. Вистинскиот мора да биде направен од вистинско млеко.
Пилешки медалјони
Се работи за храна која е особено популарна меѓу децата, но родителите сепак би требало да знаат дека тоа баш и не е најздравата намирница. Имено, месо има многу малку – обично околу 50 проценти мелена мешавина. Остатокот отпаѓа на сојата и на мелените остатоци говедско, маснотија и соли. Се разбира, со додаток на адитиви за вкус.
Готови производи
Разните мафини, кроасани и колачи на фотографии изгледаат примамливо, но кога ќе се отвори амбалажата производот не е ни приближен со оној од фотографијата. Како еден пример може да издвои само филот, обично производите се полнат со шприцови и не целосно. Тоа се прави за да се заштедат пари, а производителите не се должни да гарантираат околу изгледот, односно тој да е идентичен со фотографијата на амбалажата. Всушност, на фотографијата може да има што било.
Замрзната храна
При продажбата на кои било замрзнати намирници тежината на производот е мошне важна. Производителите, за да ја поткренат цената, обавезно во таквите производи додаваат вода, која може да изнесува дури и до 50 отсто од тежината на самото пакување. Резултатот е дека купувачот добива меѓу 25 и 35 отсто нето од назначената тежина на производот.
Леден чај
Ако ви се пие леден чај, сварете си и изладете го, особено ако мислите дека со купувањето готов чај пиете нешто здраво. Тој првенствено се прави од екстракт разреден со вода. Резултат е дека всушност во купечкиот има помалку од еден процент чај, додека остатокот е шеќер.
