Брчките околу очите, на вратот или ситни брчки на челото и лицето, се неизбежен дел од стареењето. Меѓутоа, времето не е единствена, а ниту најважната причина поради која одеднаш кога ќе се погледнете во огледало, да имате чувство како да ја гледате вашата мајка. Додека генетиката и стареењето сигурно имаат важна улога, важно е да се напомене дека во појавувањето на брчките еднакво се важни и други фактори на кои многу ретко обрнуваме внимание. Следните пет се најчести:
Ултравиолетови зраци
Деведесет отсто од брчките се појавуваат по директно изложување на ултравиолетови зраци. Дел од проблемот е во тоа што многу жени користат креми со заштитен фктор само на годишен одмор, додека во останатите денови забораваат дека на УВ зрачењата се изложени и додека возат автомобил, додека шетаат итн. Можеби малото изложување на сончева светлина и нема да направи видливи опетокотини, сепак оштетувањата се појавуваат со текот на времето, што доведува до предвремено стареење на кожата. Не заборавајте кога ќе излезете задолжително да нанесете крема со заштитен фактор.
Секојдневно консумирање на јаглехидрати
Веќе е познато дека шеќерот е еден од главните виновници за дебелеењето, но тој има штетен ефект и на кожата. Шеќерот заедно со другите намирници кои се богати со јаглехидрати, влијаат за создавање на воспаленија на кожата како и на процесот кој се нарекува гликација. Тој ги создава молекулите кои се поврзуваат со колагенот и еластинот, и ги слабеат. Ова нека биде уште една причина да го избегнувате белото брашно.
Живеете во град
Освен што е загаден, градскиот воздух е штетен, како за белите дробови, така и за кожата. Истражувањата покажале дека лицата кои се изложени на чад, издувни гасови и други вообичаени загадувачи на животната средина, посклони се кон развој на старечки пеги и поизразени брчки. Сигурно не размислувате да се преселите на село, но она што може да го направите е да консумирате намирници кои содржат антиоксиданти: бобинки, помасни риби и зелен лиснат зеленчук. Исто така може да ви помогнат и производи за нега на кожата кои содржат антиоксиданти, како сеуми, витамин Ц.
Недостаток на сон
Констатнтно сте измореин и не спиете доволно? Тоа е лоша кобминација која доведува до зголемено ниво на кортизол, хормон на стрес, кој меѓу другото, може да допринесе и во создавањето на брчки. Кожата се обновува додека спиете, па, ако немате доволно сон, тогаш го пропуштате тој регенерациски процес.
Пушење
Пушењето го зголемува ризикот од рак, срцеви заболувања и низа белодробни заболувања. Ако ова не се доволни причини за да се откажете од цигарите, еве уште една причина: Пушењето влијае на стареењето на кожата. И тоа на два начини: при вовлекувањето на димот, со тек на време, кожата се брчка. Покрај тоа, хемикалиите кои ги содржат цигарите, и штетат на кожата и прават таа да изгледа сивкасто.
