Во денешно време сите сме внимателни при консумирањето на храната што ја купуваме. Гледаме дали амбалажата е (не)оштетена, и секако дали рокот на траење е во ред. Не само што постојат повеќе датуми кои треба да се разберат ( а тоа се “рок на траење“ и “најдобро е да се употреби до…“), туку понекогаш датумите може да бидат целосно погрешни. Затоа се случува, да во незнаење, фрламе работи, иако за тоа нема потреба. Освен што се добри, некои намирници и се безбедни за консумација.
Ова е попис на намирници кои никогаш не се расипуваат.
СОЛ
Солта, не важно дали станува збор за морска или обична, не може да се расипе и засекогаш останува иста, како на денот кога сте ја купиле.
ШЕЌЕР
Кај шеќерот не е проблем да се одржува свеж, туку да се спречи да стане тврд како камен. Шеќерот никогаш нема да се расипе бидејќи не поддржува развој на бактерии. Единствено што треба да внимавате е да го држите подалеку од влага и инсекти.
МЕД
Медот има неограничен рок на траење. Може да ја промени болјата или да кристализира, но и натаму ќе биде добар за јадење. Ако медот кристализира, едноставно оставете ја теглата отворена во топла вода и мешајте додека кристалите не се растопат.
ОРИЗ
Дури и ако на кутијата е фати дебел слој прашина, оризот внатре ќе биде еднакво добар како и дента кога сте го купиле. Тоа важи за сите типови ориз, освен за кафениот ориз кој поради поголемиот процент на масла, е посклон на расипување. Единствено на што треба да внимавате е чувањето на оризот од инсекти.
БЕЛ ОЦЕТ
Може да купите голема количина бел оцет без страв дека ќе ви се расипе. Тој може вечно да трае. Како потсетување, тој може освен во салати и супи, да се користи и како одлично средство за чистење.
ЖЕСТОК ПИЈАЛОК
Убаво затворено и на на ладно место чувано шише жесток алкохол може да трае колку е потребно. Со тек на време пијалокот може минимално да ја промени аромата, но тоа ретко кој го чувствува.
ГРАВ
Гравот исто така може да трае до недоглед, а единствено што е можно е да треба подолго да се вари при готвење за да омекне. Но, никако не губи на својата нутритивна вредност.
ЈАВОРОВ СИРУП
Иако оваа намирница често не се користи, ако ја имате во својот дом, знајте дека нема рок на траење.
ПЧЕНКАРЕН СКРОБ (НИШЕСТЕ)
И оваа намирница има неограничен рок на траење, но мора да се чува на ладно мести и убаво затворена.
ИНСТАНТ КАФЕ
Инстант кафе во фрижидер може да се чува засекогаш, и тоа без разлика дали пакувањето е отворено или не.
