Кивањето е еден од одбрамбените механизми на организмот, со чија помош се исфрлаат бактериите и вирусите од носот.
Додека киваме, воздухот низ ноздрите лета со брзина од 150 километри на час. Ако кивањето се стопира, тој притисок се враќа во некој друг дел од телото, па може да настрада. Тоа е силен рефлекс и може да предизвика оштетување на ушната мембрана и може да дојде до зголемување на притисокот зад очните јаболчници, па може да пукнат и капилари во очите, објаснува њујоршкиот лекар Ерик Воигт.
Сопирањето на кивањето може да влијае и на губење на слухот и да предизвика силни вртоглавици.
Задржувањето на кивањето може да доведе и до оштетувања на дијафрагмата, а во најлош случај доаѓа до мозочен удар, што може да биде смртоносно.
