Сонот е исклучително важен бидејќи за време на спиењето се лачи хормон на раст неопходен за обновување на клетките, како и хормон одговорен за одбранбените функции на организмот. Нервните клетки во кората на мозокот се одмораат единствено додека спиеме; сонот влијае на чувството на задоволство, поменње и концентрација…
Од друга страна, нередовниот и пореметен сон го зголемува ризикот од висок крвен притисок, мозочен и срцев удар, го зголемува апетитот, но влијае и на плодноста, бидејќи го намалува нивото на сперматозоиди за 30%. Несоницата е најчесто пореметување на спиењето, но постои цела низа навики за кои не сме свесни дека ни го рушат квалитетот на сон, било да не можеме да заспиеме, често се будиме навечер или пак не можеме да издржиме во текот на денот будни.
НЕ МОЖЕТЕ ДА ЗАСПИЕТЕ
Вашето тело создава премногу адреналин и кортизол (главни хормони на стресот) поради напнатост или фактори врзани за начинот на живот, што влијае и на сонот. Во екстремни случаи тоа може да укажува на генетски проблем со телесниот часовник, кој се нарекува “синдром на одложена фаза на спиење“, што значи дека ослободувањето на мелатонин – хормон на спиењето, доаѓа подоцна од што треба.
СОВЕТ
Промени во дишењето – Длабокото дишење помага да се фокусираме на телото и да се исклучуат когнитивните процеси што го прават мозокот жив. Ставете една дланка на градниот кош, а а другата на стомак и фокусирајте се на подигнување на стомакот, а потоа и на градниот кош. Вежбата правете ја 10 пати, пред спиење.
Избегнувајте кофеин – Кога црниот дроб напорно работи за да ги процесуира раздвижените хормони, се намалува ефикасноста на чистење на токсините, што не парви почувствителни на овој стимуланс.
СЕ БУДИТЕ МНОГУ РАНО
Заспивањето и потоа наглото будење околу 3, 4 или 5 наутро со лесно тресење е класичен знак на хипогликемија или нагло паѓање на шеќерот во крвта. Доколку јадете храна богата со шеќери во текот на денот и нивото на шеќерот во крвта не е регулирано, доаѓа до нагло паѓање во текот на ноќта, што нагло ќе ве разбуди, а телото ќе сигнализира дека му е потребна храна.
СОВЕТ
Стабилизирајте го шеќерот во крвта – Барем еден час пред легнување не јадете ништо, а вечерата нека ви биде мала порција храна со низок гликемиски индекс.
Стрес –Долгорочно стресот може да доведе до преоптовареност на органзимот со лачење на адреналин и до престанок на лачење на кортизол. Тоа води со ниско ниво на шеќерот во крвта и рано станување. Циметот е природно решение за овој проблем, но секако претходно направете контрола на нивото на шеќерот во крвта кај матичниот лекар.
СПИЕТЕ, НО СЕ БУДИТЕ УМОРНИ
Тоа се случува, оти не добивате доволно окрепувачки сон. Длабокиот сон е многу важен за обновување на телото. Ко постојано сте уморни, веројатно имате два или три циклуса на спиење. Повеќето луѓе го имаат овој проблем, а не знаат за него. Причина може да биде апнеа или синдром на немирни нозе.
Исфрелете го алкохолот – Студии покажуваат дека дури и мали количини алкохол испиени дури и шест часа пред спиење може да го загрозат длабокиот сон и да ги влошат симптомите на апнеа и синдромот на немирни нозе.
ПОТРЕБА ЗА СПИЕЊЕ ВО ТЕКОТ НА ДЕНОТ
Некои го користат сонот како стратегија – сакаат да се одвојат од светот. Тоа понекогаш се случува поради анксиозност и депресија, но почесто поради фактот што не можеме да се носиме со притисоците, па сакаме едноставно да побегнеме и да се сокриеме под ќебе. Во некои случаи, тоа се случува бидејќи некои лица едноставно сакаат да спијат. Но, ако се случува често, потребно е да се побара помош.
СОВЕТ
Договорете преглед кај лекар – Првиот чекор е лекарот да одреди дали станува збор за депресија или синдром на хроничен замор.
Хидратација – Секој од нас околу 16 часот понекогаш доживува нагло паѓање на кортизолот, поради што се чувствува поспаност. Ако тоа ви се случува напијте се чаша студена вода која на крвта ќе и обезбеди кислород. Растот на адреналин ќе ве разбуди и наполни со енергија.
