Неодамнешно истражување спроведено на Универзитетот Принстон укажало дека консумирањето овошни сокови (и благо воопшто) на празен стомак негативно влијае на цревната флора и целокупниот метаболизам.
Многу луѓе имаат навика на празен стомак да испијат сок од портокал или слично.
Доколку се испие сок на празен стомак, пред да се појадува, овошниот шеќер – глукоза и фруктоза, брзо стига до тенкото црево. Меѓутоа, по периодот во кој не е внесена храна, тенкото црево не е во состојба да ја преработи внесената фруктоза, така што тој шеќер доспева до дебелото црево. Кога тоа ќе се случи, фруктозата доаѓа во контакт со добрите бактерии кои не се во состојба да го преработат тој шеќер. Во целина тоа лошо влијае на цревната флора и на здравјето воопшто.
Истражувачите дошле до овој заклучок по експримент на глувци кои ги хранеле со мeшавина на подеднаква количина на глукоза и фруктоза. Потоа следеле како тие шеќери се преработуваат во нивниот дигестивен тракт. И тука ова истражување покажало нешто ново. Додека претходните истражувања укажувале дека црниот дроб го преработува шеќерот, во ова испитување е утврдено дека 90 % од фруктозата се вари веќе во тенкото црево. Но, тенкото црево не може тоа да го направи доколку ред внесот на шеќери не е внесена некоја друга храна. Кај глувцте кај кои глукозата и фруктозата била внесена по оброк, тенкото црево ги преработила како што треба.
Според зборовите на лидерот на истражувањето проф. д-р Џошуа Рабиновиц, ова истражување ја потврдува вредноста на традиционалните совети во исхраната: дека слатките работи, вклучувајќи го и овошјето не треба да се консумираат пред јадење, туку после оброк, но, секако, во умерени количини.
Истражувањето е објавено во списанието Cell Metabolism.
