Истражувањето кое опфатило повеќе од 400 000 возрасни личности во Европа утврдило дека ризикот од рана смрт е зголемен кај луѓето кои пиеле две или повеќе чаши газирани пијалаци засладени со шеќер или вештачки засладувачи дневно, објавено е во стручниот магазин „JAMA Internal Medicine”.
„Нашите резултати за засладените газирани пијалаци пружаат дополнителни аргументи за ограничување на нивната консумација и замена со други, поздрави пијалаци, по можност вода. Што се однесува до газираните пијалаци засладени со вештачки засладувачи мораме подобро да ги проучиме механизнимите кои се кријат зад оваа врска и истражувањата како нашите, се надеваме, ќе ги поттикнат тие напори“, рекол авторот на студијата Нил Марфи и додал дека можеби самите газирани пијалаци не се во коренот на проблемот.
Како пример, навел како консумирањето на големи количества газирани пијалаци може да биде знак за нездрава исхрана. Испитаниците пополнувале прашалници за својата исхрана, стилот на живот, образованието, пушењето, консумирањето алкохол и физичката активност. Од испитувањата биле исклучени личности кои заболеле од карцином, срцеви болести и дијабетес. Во истражувањето учествувале точно 451 743 лица со просечна возраст од 51 година. Во текот на 16 години долгото истражување, умреле 41 693 испитаници.
Кога научниците ги проучиле нивните податоци, ги зеле предвид факторите кои би можеле да го зголемат ризикот од предвремена смрт, како индексот на телесна маса и пушењето, утврдиле дека испитаниците кои пиеле две чаши или повеќе засладени газирани пијалаци днвено имале за 17 отсто поголеми шанси од рана смрт во споредба со оние кои пиеле помалку од една чаша од овие напитоци на месечно ниво.
Оние кои дневно пиеле по две или повеќе чаши засладени газирани пијалаци, имале 8 отсто повеќе шанси од прерана смрт во споредба со оние кои пиеле помалку од една чаша месечно, а оние кои пиеле по две или повеќе чаши газирани пијалаци засладени со вештачки засладувач дневно имале за 26 отсто поголеми шанси од предвремена смрт во однос на оние кои консумирале помалку од чаша од овие газирани напитоци месечно.
„Оние кои пиеле многу газирани пијалаци имаа повисок индекс на телесна маса и повеќе шанси да се пушачи. Статистички ги зедовме предвид во нашите анализи индексот на телесна маса, пушењето и другите ризици за смртност кои би можеле да влијаат на нашите резултати, но врската остана. Но не можеме да ја исклучиме можноста овие фактори да влијаеле на нашите откритија, па затоа не можеме да тврдиме дека откриените врски се причинско-последични“, рекол Марфи.
