Некогаш беше тешко да се замисли, а камоли да се поврзе стоматолог и општ лекар. Тоа се времиња кога овие две области се гледаа засебно и воопшто на памет не ни паѓаше врската помеѓу оралното и општото здравје. Денеска, ситуацијата е поинаква, а претходно споменатата врска е – докажана.
Сега е докажано дека расипаниот заб или повеќе од нив влијае на внатрешните органи и може да доведе до сериозна состојба, која подоцна и не е толку лесно да се излечи. Докажано е дека расипаните заби може да предизвикаат сериозна болест.
Имено, расипаните заби може да доведат до атеросклероза, болести на белите дробови и срцеви заболувања. Тоа што е шокантно и што е изненадување за многумина е дека инфекциите кои се јавуваат во усната шуплина, се поврзани со мозочен удар и инфаркт.
Бактериите кои предизвикуваат инфекции во областа на усната шуплина се еден од причините за дијабетес и предвремено породување. Исто така, е докажана и врската помеѓу расипаниот заб и болести не само на матката, туку, исто така, и на јајниците, како и респираторни инфекции.
Гингивит или крвавење на непцата не мора да претставува опасност ако се работи за моментална дијагноза, која по лекувањето повеќе не се враќа. Проблем се хроничните состојби, поради што постои опасност да се одрази и на другите органи
Хроничните воспаленија се како отворена рана која крвави постојано и на тој начин овозможува размножување на бројни бактерии. Тоа е рана која не боли, туку само понекогаш крвави и ако не се реши веднаш, во иднина може да претставува се поголем проблем.
Бактериите полека влегуваат во крвотокот и на тој начин се задржуваат на различни места во телото, предизвикувајќи разни болести. Доволен е само еден расипан заб за да влијае на другите органи и да направи голем проблем кој подоцна ќе можат да го излекуваат само специјалисти.
Токму затоа се важни редовните прегледи на стоматолог.
