Соблекувањето на обувките знае да биде напорно, особено ако сме влегле дома само за да земеме нешто или сме отишле некаде само на минување, но треба да знаете дека соблекувањето на чевлите треба да ви е пракса секаде – и дома и на гости! Научниците тврдат дека одењето низ домот во обувките кои ги носиме и надвор е една од највалканите навики кои може да ги има човекот и една од навиките заради кои можете сериозно да се разболете. Истражувањата покажале дека просечен чифт чевли на себе има околу 421 бактерија, вклучително и озлогласената Ешерихија коли, која може погубно да делува на дигестивниот систем.
Колку и да газите внимателно улиците и јавните површини се преполни со нечистотии на кои оваа, но и други бројни бактерии се размножуваат, а одењето низ лисја и останатиот отпад само дополнителни ги храни и им го продолжува животниот век.
За жал, тие работи не може да се одбегнат додека се движите, но затоа може да се спречи нивното внесување во домот. Повеќе од 90 проценти од бактериите кои ги собираме на долниот дел од обувките влегуваат во нашиот дом сосе нашите омилени чевли, а кога еднаш ќе „ни дојдат“ на гости во куќата можат да живеат со денови.
Освен штетни бактерии внесуваме и канцерогени токсини од асфалтот, кои потоа се шират во облик на прашина по целата куќа. Повеќето од тие бактерии и нечистотии заминуваат од чевлите со обично миење со сапун, но поедноставен начин за да се заштитите е само да ги соблечете обувките и дома да зачекорите боси или во удобни влечки, и остатокот од денот да го поминете безгрижно.
