Тинејџерите кои не консумираат доволно храна богата со витамин К, како што е лиснатиот зелен зеленчук, се изложени на три пати поголем ризик од хипертрофија на левата комора на срцето, покажала новата студија. Колку помалку се консумира витамин К, толку е поголем ризикот од хипертрофија на левата комора.
Во истражувањето учествувале 766 здрави тинејџери на возраст од 14 до 18 години.
Витаминот К е важен за згрутчување на крвта и здравјето на коските. Исто така, витаминот К може да ја подобри активноста на протеинот, познат како матриксен ГЛА протеин, кој помага да се спречи формирањето на депозити на калциум во крвните садови. Според мислењето на експертите, потребни се дополнителни студии за да се процени корелацијата помеѓу витаминот К и долгорочното здравје на срцето.
Витаминот К се раствора во мастите, помага против згрутчување на крвта и придонесува за здравјето на срцето, коските и имунолошкиот систем.
Кариесот на забите, лошото здравје на непцата, слабите коски и проблемите со срцето може да укажуваат на недостаток на овој витамин
Постојат две различни форми: витамин К1, кој го има најмногу во зелениот зеленчук како спанаќ, кељ, брокула, и витамин К2, кој се наоѓа во месото, јајцата, млечни производи, некои сирења и јогурт.
Главната улога на витаминот К1 е да обезбеди нормален проток на крв, додека улогата на витаминот К2 е сосема поинаква – го насочува калциумот во делови од телото на кои им е потребен.
Кои се знаците за недостаток на витамин К?
Ако вашата кожа лесно се раскрвавува, можно е да имате недостаток на витамин К. Покрај тоа, кариесот на забите, лошото здравје на непцата, слабите коски и проблемите со срцето може да укажуваат на недостаток на овој витамин.
Експертите предупредуваат дека прекумерната употреба на антибиотици, поради негативното влијание на бактериите во стомакот, може да ја намали апсорпцијата на витамин К2 од храната.
Тие нагласуваат дека е неопходно тинејџерите и жените во менопауза да внесуваат повеќе витамин К2. Адолесцентите со внесување на овој витамин се грижат за своите коски и кардиоваскуларно здравје. Кога станува збор за жените во менопауза, во текот на овој период поради намалување на нивото на естроген, густината на коските може да се намали и до 20 проценти, па овој витамин е од суштинско значење за зачувување на густината.
