Студените денови бараат и дополнителна нега на кожата, пред се на лицето и рацете, бидејќи овие делови се најизложени на студ.
Меѓутоа, особено е важно да ја негувате устата – која е најнежниот дел од лицето.
Според мислењето на многу стручњаци треба внимателно да користите балсам за уста бидејќи во некои случаи може само да ја влоши ситуацијата, бидејќи со претерано коритење кожата на устата ја губи способноста самата да се регенерира и заштити.
Најдобро е да изберете балсам без парабени, алкохол, ментол, цимет, но и витамин Е, кој, иако ја спречува појавата на брчки на устата – сепак премногу ја иритира кожата, што кај многумина може да направи само проблем. Најдобро е во составот на балсамот да има глицерин, маслиново масло и какао путер, а доколку покрај овие состојки има и заштитен УВ фактор – ќе бидете сигурни дека сте избрале најдобро за својата уста.
Кога ќе застуди, многу е важно за кожата да се хидрира, односно потребно е да се пијат многу течности – вода и чаеви, но и да се внесуваат омега 3 масни киселини кои најмногу ги има во рибата, а кои и помагаат на кожата да произведе природна маст.
