Внимавајте на испуканите агли на устата

Аглестиот стоматитис е исклучително непријатна состојба при која аглите на устата пукаат, односно се кинат. Тоа е проследено со болка и нелагодност. Прочитајте што е ова заболување, што го предизвикува и како може да се лекува.

Оваа состојба се нарекува и хеилоза и претставува воспалителна лезија на аголот на устата кој често може да се случи на двете страни. Состојбата почнува како длабоки пукнатини, а во полоши случаи, може да искрвари кога устата е отворена и да се створат плитки чирови или да се формира кора. Испукнатите агли на устата може да бидат предизвикани поради недостатоци во исхраната, габични инфекции или поретко бактериски инфекции и задолжително треба да консултирате лекар.

Причини

Изобилството на влага всушност придонесува за формирање на пукнатини во аглите на устата. Вишокот плунка, која се собира во аглите на устата, понекогаш е одлична предуслов за развој на инфекција. Друга причина за појавата на аголниот шејлајтис може да биде недостатокот на некој витамин од групата Б. Алергија кон кармин или паста за заби, исто така, може да биде причина за  расцепување на аглите на устата.

Најчести причини за појава на испукани краеви на усната:

  • Бактериска инфекција од групата стрептококи и стафилококи, користење на заеднички прибор за јадење и пиење;
  • Недостаток на витамините Б2 и Б12 и фолна киселина;
  • Намален имунитет;
  • Дијабетес и ендокрини пореметувања;
  • Анемија и недостаток на железо;
  • Поради постојано навлажнување на аглите на устата;
  • Дишење на уста и цицање на прст кај децата;
  • Габична инфекција.

Оваа инфекција трае неколку недели, а се смирува постепено. Сепак, во некои случаи може да премине и во хронична инфекција со појава на темни пигменти на аглите на устата. Се лекува со антибиотска маст или антигабични препарати. За да ја намалите можноста за појава на оваа инфекција зголемете ја употребата на витамини и минерали.