Се наближува Велигден, а токму ренот е незаобиколна намирница во јадењата за големиот празник. Освен што се употребува во кујната, ренот има и извонредни лековити својста, а една од неговите предности е што е достапен преку целата година.
- Богат е со витамин Ц
Свежиот корен на рен е богат со витамин Ц, а покрај тоа содржи и калциум, калиум, магнезиум и есенцијални масла кои му даваат лутина.
Особено е добро да се додаде во масна храна бидејќи го стимулира варењето така што го поттикнува излачувањето на желудечни и цревни сокови.
- Го забрзува метаболизмот
Ренот е препознатлив по својот силен мирис и вкус ако се изренда. Може да се користи во текот на целата година како храна, за подготовка на чај, подготовка на облози, го забрзува метаболизмот, го чисти организмот и ја подобрува циркулацијата.
- Природен антибиотик
Ренот е природен антибиотик со силно антибактериско дејство. Од дамнина се користи во народната медицина за зајакнување на имунитетот и против кашлица, пулмонални болести и општо, инфекции.
Сирупот од изрендан рен со мед, прополис и семе од анасон се препорачува како еден од најдобрите природни сирупи за третман на белодробни заболувања.
- Помага при разни болести
Ја стимулира работата на жолчката, црниот дроб, панкреасот, цревата и желудникот. Помага против болести на уринарниот тракт и бубрежни камења, ја ублажува болката кај ревматизам и артритис, ја чисти кожата.
- Користете го како облогa
Ставете свежо изрендан рен во памучна крпа и ставете ја на болното место, така што крпата да е во контакт со кожата. Отстранете ja облогaтa кога ќе почувствувате жежење, бидејќи ренот може да предизвика пликови и изгореници на кожата. Пред и по нанесувањето на облогaтa добро е лесно да ја намачкате кожата со маслиново масло.
