Големиот број различни диети кои може секојдневно да се сретнат, стануваат многу оптоварувачки за сите оние кои сакаат да се ослободат од вишокот на килограми. Решението е во изборот на здрави намирници, кој е многу поважен од слепото придржување кон одредени видови намирници. Во целиот тој избор и море на информации, посебно се издвојуваат советите да се консумираат доволно намирници кои имаат антивоспалителни својства. Во продолжение ви нудиме селекција на 4 намирници кои секогаш треба да ги имате на списокот за пазарење.
Лосос
Позната ви е изреката: „Вие сте она што јадете“? Ова е сосема точно, особено кога станува збор за лососот. „Дивиот лосос се храни со мали ракчиња полни со антивоспалителен антиоксидант, наречен астаксантин“, објаснува Колет Хајмовиц, нутриционист. Вие го јадете она што тие го јадат! Дивиот лосос содржи повеќе омега-3 киселини отколку одгледуваниот лосос, па бирајте паметно. Лососот, исто така, обезбедува витамин Д. Истражувањата покажуваат дека во случај на дефицит на витамин Д мастите се задржуваат во организмот наместо да согоруваат.
Зрнесто овошје
Почнете го денот со сад полн со зрнесто овошје. „Капините, боровинките и малини се полни со влакна и поради нив ќе бидете ем сити ем задоволни“, вели Стејси Голдбер, нутриционист. Зрнестото овошје е полно со природни шеќери и можете да го јадете во изобилство, а да не размислувате за вагата. На пример, пола шолја малини содржи 4 грама влакна, капините 3,8 г, а боровинките 1,7 грама влакна.
Зрнестото овошје содржи многу полифеноли, микронутриенти, кои помагаат во превенција на промена на клетките успорувајќи ги и блокирајќи ги воспалителните процеси во телото
Јајца
„Јајцата се речиси совршена храна и вистинска бомба кога станува збор за хранливоста, со 7 г протеини и антивоспалителни омега-3 киселини“, објаснува експертот Андреа Виен. Порано медицинските експерти не предупредуваа дека постојат негативни последици од премногу јајца во исхраната, но сега тоа е променето. „Ние сега знаеме дека холестеролот во исхраната не е штетен и дека е всушност неопходен за да постигнеме оптимално функционирање на клетките“, вели Виен. Значи, ако сакате да јадете јајца секој ден, само напред!
Семе од коноп
Семето од коноп не е првата работа која ќе ви падне на ум кога размислувате за антивоспалителни својства, но не дозволувајте тоа да ве измами. Само две лажички содржат 11 грама протеини! Лесно е да го воведете во исхраната. Уморни сте од овесни снегулки? Пробајте киноа. И додадете млеко од бадеми и семе од коноп за повеќе протеини, како и вашето омилено зрнесто овошје.
