Првата работа на која ќе помислите кога ќе почнете да ја губите косата е вашата возраст или едноставно генетиката.
Пред да почнете да паничите поради опаѓање на косата, треба да знаете дека е нормално дневно да изгубите 100 до 200 влакна. Се што е повеќе од оваа бројка е знак дека ќелавите, а во продолжение ги наведуваме седумте можни причини.
Проблеми со тироидната жлезда – Еден од симптомите на проблемите со тироидната жлезда е губењето на косата. Тироидната жлезда го регулира квалитетот на косата, но и самиот раст.
Голем стрес – Ако вашата коса почне одеднаш да опаѓа, можно е да сте проживеале нешто многу стресно. Губењето на косата предизвикано од стрес се јавува најчесто 3 до 6 месеци по настанот што ве вознемирил.
Инфекција – Може да ја предизвикаат лишаи кои се добиваат ако го делите пешкирот или постелнината со лице кое ги има. Ако тестот на габи е позитивен, веднаш започнете со лекување, а косата треба да почне да расте повторно откако ќе се ослободите од инфекцијата.
Воспаление на скалпот – Екстремни случаи на псоријаза што се појавуваат на скалпот влијаат на губење на косата.
Лекови или додатоци во исхраната – Одредени лекови како што се стероиди, антидепресиви или изотретиноин може да предизвикаат губење на косата.
Сте станале веган – Ако сте се префрлиле на веганска исхрана, можно е да не земате доволно железо, па се случуваат промени и на вашата глава.
Страдате од автоимуни болести – Алопеција ареата е ненадејна загуба на коса или влакна. Станува збор за автоимуна болест во која сопствениот имунолошки систем, од непознати причини, ги напаѓа фоликулите на косата во кожата што доведува до нејзино опаѓање.
