Од зголемен крвен притисок пати од 30 до 40% од општата популација, а на регулирањето на притисокот влијае и емоционалната и психичката состојба. Дали е нормално да во одредени моменти не мачи висок крвен притисок и зошто тоа ни се случува, одговор даваат кардиолозите.
Дали ви се случило крвниот притисок да ви се зголеми, иако немате проблеми со него? Кардиолозите откриваат кои се причинте за таа појава.
“Артерискиот притисок е регулиран со различни регулаторни механизми, невровегетативни, хормонални и слично. Секоја состојба на т.н. стрес било од психичка или од физичка природа по правило може да доведе до пораст на артерискиот притисок, особено на систолниот притисок. При физички напор, нормално е систолниот притисок да порасне, а дијастолниот да остане ист или малку да падне. Слично е и при психичката возбуда. Тоа може да се случи и кај лица кои веќе имаат поставена дијагноза на артериска хипертензија, но и кај целосно здрави лица. Доколку, ненадејното зголемување на притисокот е предизвикан од возбуда или стрес, не е исправно да се лекува со лекови за висок притисок, туку исправно е да се намали нивото на стрес и возбуда, ако е можно. Ако тоа не е можно, без употреба на лекови, тогаш во соработка со лекарот треба во такви ситуации да се користат лекови, од гурпата на анксиолитици“, појаснуваат кардиолозите.
