Болките во стомакот обично не траат долго, а надуеноста често е последица на гасови во организмот. Меѓутоа, ако стомакот ве заболи однанадеж и неочекувано, а особено болката е концентрирана на некое конкретно место, мора веднаш да побарате лекарска помош.
Надуеноста и силниот грч може да бидат знак за сериозен проблем кој, ако не се третира соодветно, може да се влоши. Воспалението на слепото црево предизвикува болка во долниот десен дел на стомакот и неопходна е хируршка интервенција.
Пукањето на чир доведува до крварење и предизвикува остра болка, а воспалението на жолчното ќесе, вообичаено се случува поради камења и е проследено со грчевити болки. Дивертикулоза на цревата може да се препознае по силна болка, но и по грозница и треска.
