Овие симптоми укажуваат на проблеми со жолчката

Симптомите може да бидат знак за некои други заболувања, но ако се појавуваат редовно, најдобро е веднаш да отидете на лекар за да ги избегнете можни компликации и да добиете соодветен третман.

Жолчката (жолчно ќесе) е мал орган кој се наоѓа под црниот дроб. Главна задача на жолчката е да лачи течност, која служи за разложување на маснотиите. Со ослободувањето на течноста, во жолчните канали доаѓа до разложување на храната која се задржала во цревата. Меѓутоа, понекогаш во тој процес се појавуваат проблеми. Некои супстанци кои ќе се заглават во овие канали создаваат блокада и онезвможуваат проток на жолчната течност. Резултат од ова се низа симптоми кои може да создадат големи проблеми, ако на време не се започне со третман. Затоа е многу важно да знаете како да ги препознаете тие симптоми. Кога ќе ги идентификувате, најдобро е да се обратите кај лекар за да добиете соодветна грижа.

Воспаление и гасови

Жолчката е многу важна за варењето. Таа ослободува супстанца која е многу важна за разложување на маснотиите. Кога постои опструкција на жолчниот канал и кога оваа супстанца не може нормално да оди во цревата, варењето станува отежнато. Тогаш се јавуваат симтоми како воспаление во дигестивниот тракт и чести и силни гасови. Причина за тоа е насобирањето на отпадоци во цревата. Кога тие не исфрлаат нормално, доаѓа до ферментација и ослободување на гасови.


Болка и чувство на тежина во стомакот

Проблемите со жолчното ќесе може да предизвикаат и болки и чувство на тежина во стомакот. Болката понекогаш се шири и во десниот дел на грбот, заради инфламаторниот процес. Болката најчесто се јавува ненадејно и трае околу 10-15 минути. Потоа исчезнува па повторно се појавува и трае многу подоло, дури и до 15 часа. Ако имате вакви болки, најдобро е веднаш да отидете на лекар.


Мачнини и вртоглавица

Чести мачнини и вртоглавици се симптоми кои никогаш не треба да се игнорираат. Овие симптоми се карактеристички за многу различни заболувања. Тука спаѓаат и проблемите со жолчката. Во овој случај, мачнините и вртоглавиците се јавуваат затоа што жолчните сокови не ги разложуваат маснотиите, што доведува до зголемена количина на отпад во цревата и крвта.

Непријатен здив од устата

Сите знаеме дека непријатниот здив од устата најчесто се јавува заради бактериски инфекции или од лоша орална хигиена. Меѓутоа, кога често се јавува и кога е невозможно да се контролира, можно е причина за ова да биде проблеми со црниот дроб и жолчката. Најчесто се јавува и метален вкус во устата. Насобраните токсини  се причина за овој проблем.


Слаб апетит

Ненадејното губење на апетит е јасен знак дека нешто се случува во организмот. Ова е чест симптом за инфламаторни заболувања, како и за дигестивни проблеми кои се појавуваат поради неправилната функција на жолчката. Ако слабиот апетит трае неколку дена, тоа може да биде симптом за воспаление или опструкција на жолчните патишта заради камен во жолчката.


Жолтица

Ако кожата и/или белкта во очите нагло пожолтат, веднаш одете на доктор. Жолтицата се јавува заради насобирање на секрет во жолчното ќесе, што понекогаш доведува до создавање на камен. Се работи за опасна болест која најдобро е веднаш да се лекува.