Таа е посебна, кул, идол… Ве сака силно како мама и тато, нежно како баба и дедо, безусловно и најмногу на целиот свет! „Виновна е за постојано галење и разгалување, прикривање „докази“, чување на тајни во јавност, купување подароци, охрабрување, одобрување, правење „лудости“… Да, тоа е нејзиното височество – тетката!
Кој ја нема, не знае што пропушта во животот. Но, кој ја има… Тетката не мора да го крева гласот и да држи лекции за да ја слушаат децата, а секогаш ја слушаат. И таа ги слуша, па и е дозволено да ги гушка и бакнува повеќе од другите членови на семејството. Внимателно ги чува сите нивни тајни и секогаш враќа со насмевка.
Кој ја нема, не знае што пропушта во животот
Тетката е рамо за плачење, ветер во грб, место на кое сте безбедни. Секогаш доаѓа со чоколади, идеи за „глупирање“ и толеранција за сладолед среде зима. За неа најдобро говорат нејзините дела, децата кои имаат среќа што мама и тато имаат сестра, но исто така и експертите. Психолозите велат дека тетките се многу битни во растењето и едукацијата на младите.
„Тешко е да се спореди односот со тетката со кој било друг. Тоа е посебна врска уште од првиот момент. Тетката најчесто полудува од радост кога ќе ја добие оваа улога и максимално се внесува во неа“, велат психолозите.
„Задача“ на тетката е да си игра со децата, да им пее песни, да им чита, да се смее на нивните штосови, постојано да измислува нови игри, скришно да јаде слатки со нив… Неа се и е дозволено, затоа што тетката не е родител, па и нема „обврска“ така да се однесува. На мама и тато останува на конвенционален начин, па дури и преку лутина и казна кога е потребно да ги едуцираат децата, додека тетката е секогаш до нив да им изрази љубов, нежност, поддршка и толеранција.
Затоа децата повеќе и се отвораат на тетката, стекнуваат доверба, и доверуваат тајни, бараат мислење за разни теми… Ова е особено важно во пубертетот, бидејќи децата тогаш дополнително се затвораат, недоверливи се спрема возрасните, се бунтуваат против авторитетите. Но, кога со тетката ќе изградат убав, отворен став, тогаш и во овие и во наредните години ќе ја доживуваат како пријател, на кој може да му се доверат за љубовта, лошите оценки, дилемите… Тетката е често и медијатор во конфликтите помеѓу адолесцентите и родителите.
Кој ја нема не знае какво богатство е да се има тетка во животот. Се согласувате, нели?
