Козјото млеко се употребува не само како здрава храна, туку и како помошно средство за лекување на многу болести. Во себе содржи многу протеини богати со есенцијални аминокиселини, широка лепеза на витамини и нема тешко сварливи масти. Не само што е полесно за варење од кравјото млеко, туку козјото млеко содржи помалку лактоза, па лесно може да го поднесуваат и лица чувствителни на лактоза.
Козјото, во однос на кравјото млеко во својот состав содржи поголемо ниво на витамини, особено Б6, минерали, особено калциум, и пониско ниво на калории.
Козјото млеко се препорачува за јакнење на имунитетот, лекување и јакнење на белите дробови, против туберкулоза. Добар сојузник е и во борбата против стресот. Во себе содржи витамини Б1, Б2, Б6 и Б12, па затоа го јакне и нервиот систем.
Народната медицина козјото млеко го препорачува и на лицата со чувствителен желудник. Заради фините честички кои се наоѓаат во него, нема да им штети ниту на лицата кои имаат проблеми со црниот дроб. Со оглед на тоа што јадат козите, нивното млеко е богато и со силициум, а тоа е минерал кој позитивно влијае на кожата, косата, ноктите и нервиот систем.
