Постои пресвртница во животот кога треба да кажете не на пивото, или на алкохолот воопшто, тврди британски невролог.
Пивото е еден од најпопуларните алкохолни пијалоци во светот, но постои „момент“ кога треба да престанете да го пиете, објаснува неврологот д-р Ричард Рестак, пишува metropolitn.si .
Причината не е „пивски стомак“, туку нешто многу посериозно.
„Алкохолот е многу, многу слаб невротоксин“, изјави д-р Рестак за „Лад Библ“. „Не е добар за нервните клетки.“
Затоа е особено важно да се спротивставиме на алкохолот во периодот кога зачувувањето на невроните е клучно.
Критичната возраст е 65 години.
„Во идеален свет“, објаснува д-р Рестак, „секој треба да почне да го намалува внесувањето алкохол по 65-годишна возраст и целосно да престане да пие до својот 70-ти роденден“.
Оваа препорака произлегува од добро познатата поврзаност на прекумерната консумација на алкохол со зголемениот ризик од развој на деменција.
Зошто 65-70 години?
Во тој период, бројот на неврони во мозокот и врската меѓу нив почнува значително да се намалува, што доведува до намалување на мозочната маса, а последица на тоа е пад на физичките и когнитивните способности.
Одлуката е лична.
Иако можеме да се обидеме да го избалансираме тоа со поздрав начин на живот, како што е повеќе вежбање, најдобро е да се спречи оштетувањето уште од самиот почеток.
Можеби на некои им изгледа тешко да се откажат од пивото во пензија – периодот кога конечно можете да си дозволите малку да се опуштите – но тогаш телото е најчувствително на штетните ефекти на алкохолот, па затоа е мудро да го избегнувате.
„Силно препорачувам доколку имате 65 години или повеќе, целосно и трајно да го елиминирате алкохолот од вашата исхрана“, советува д-р Рестак.
Секако, одлуката е лична.
