Веројатно, веќе сте се обиделе со различни методи да го отстраните чувството на исцрпеност и заморот што е присутен веќе подолго време и е можеби и виновникот што изгледате постаро? Сте се запрашале ли дали можеби правите нешто погрешно?!
Постојат многу грешки кои ги прават добар дел од луѓето и кои придонесуваат за лошото чувство кое се гледа однадвор. Секој пат кога ќе се погледнете во огледалото пред вас стои лице на кое ќе му дадете повеќе години отколку што има навистина. Една од грешките што многу луѓе ја прават е погрешниот избор на намирници.
Познато е дека здравата исхрана, која изобилува со витамини, влакна и минерали е вистинскиот пат кон подобро здравје.
Погрешниот избор на намирници прави да изгледате постаро, а ако знаете за кои намирници конкретно се работи, веќе сте поминале повеќе од половина пат за да изгледате онака како што отсекогаш сте сакале.
Ако јадете црвено месо неколку пати неделно, тоа може да резултира со појава на брчки на лицето. Црвеното месо е дозволено во умерени количини затоа што е тешко за варење, поради што сите штетни супстанции се задржуваат во организмот подолго отколку што е дозволено.
Обидете се да ја избегнувате пржената храна, која никако не е добра. Трансмасните киселини кои се содржани во истата имаат негативен ефект врз кожата и бубрезите, како и врз функционирањето на внатрешните органи.
Благодарение на вистинскиот избор на намирници ќе изгледате свежо, а вашата кожа ќе биде мазна и без траги од брчки
Солта, исто така, се наоѓа на листата на намирници, кои би требало да се внесуваат во умерени количини. Ако консумирате премногу сол, вашето тело може да дехидрира, бидејќи бубрезите тогаш почнуваат да исфрлаат повеќе течности. Тоа е веднаш видливо на кожата, поради што таа изгледа збрчкано и непривлечно.
Секој пат кога ќе излезете, слободно почестете се со чаша вино или некој друг пијалак, но не заборавајте дека алкохолот треба да се консумира умерено. Тој е еден од главните виновници кога станува збор за појава на брчки на лицето. Познато е дека алкохолот предизвикува дехидрација на организмот и исушување на кожата што резултира со брчки.
Започнете го секој ден со консумирање здрави намирници, а храната која е лута или премногу зачинета, како и слатките со многу шеќер, нека станат дел од вашето минато. Живејте здраво и држете се до изборот на квалитетни намирници.
Топ 10 намирници поради кои изгледаме постаро
-
Сол;
-
Црвено месо;
-
Јаглехидрати;
-
Вештачки засладувачи;
-
Пржена храна;
-
Слатки од рафиниран шеќер;
-
Пржени слатки (крофни);
-
Сувомеснати производи;
-
Силно зачинета храна;
-
Алкохол.
