Ако неодамна сте добиле дете, можеби сте слушнале за „мозок на мајка“. Тоа е состојба што им е нормална на жените, иако понекогаш се заборавни, отсутни и емотивно чувствителни на сите деца, па дури и на оние што ги гледаат на телевизиските реклами.
Гледањето филмови кои имаат врска со губење или повреда на деца за некои претставува силен емоционален удар и се чувствуваат како да гледаат хорор филм.
Се поставува прашањето дали т.н. „мозок на мајка“ е само изговор што го користите кога имате неред во главата или тоа е состојба што навистина влијае на вашиот мозок?
Истражувањата покажале дека мозокот навистина се менува откако ќе се роди детето. Во мозокот доаѓа до промена, која ги поттикнува родителите да водат грижа за своето дете.
Истражувачите од Универзитетот во Барселона утврдиле дека промените во структурата на мозокот остануваат најмалку две години. Важно е да се истакне дека овие промени биле особено чувствителни на делови од мозокот, кои биле најактивни кога жените гледале слики на своите бебиња.
Но, „мозокот на мајка“, е резултат на фактот дека сте станале родители, и не влијае само на новите мајки, напротив, постојат докази дека ги погодува и татковците.
Имено, во една студија, истражувачите ги скенирале мозоците на мајките и татковците додека гледале видео за себе во интеракција со бебињата. Откриле зголемена активност во амигдалот, дел од мозокот, кој е одговорен за емоционалната обработка, и кај мажите и кај жените, кои првенствено се грижеле сами за своите бебиња. Односно, колку повеќе татковците биле ангажирани околу детето, толку повеќе активноста на амигдалот била послична на онаа на мајките.
Истражувачите утврдиле дека промените во структурата на мозокот остануваат најмалку две години
Промените во мозокот можат да бидат и добри и лоши, но се уште не се објаснети сите позитивни и негативни ефекти. Потребни се понатамошни истражувања за да се утврди што значат овие промени и како влијаат врз однесувањето на татковците и мајките.
Важно е да се запамети дека ако имате „мозок на мајка“, не значи дека имате невролошки проблеми, бидејќи науката вели дека оваа состојба е нормална и може да биде корисна. Тоа е начин на кој вашето тело и ум се соочуваат со новите предизвици и одговорности и ви помага да станете добри и одговорни родители.
