Истражување спроведено во САД во кое учествувале над 205 000 жени, покажало дека редовната употреба на ниски дози ацетилсалицилна киселина (100 мг или помалку) може за 33 % да го намали ризикот од развој на карцином на јајчниците.
Интересно е дека консумирањето стандардни дози на ацетилсалицилна киселина од 325 мг не било поврзано со намалувањето на ризикот за појава на рак на јачниците.
Од друга страна, земањето 10 или повеќе таблети неделно од други нестероидни поротиввосплаителни лекови во период од неколку години може да биде поврзано со зголемување на ризикот од појава на рак на јајчниците.
Ракот на јајчниците е петта водечка причина за смртност од карцином меѓу жените во САД. Инаку, се повеќе докази укажуваат дека воспалението има улога во развојот на рак на јајчници. Се смета дека ацетилсалицилната киселина може да го намали ризикот за појава на овој вид на рак, со намалување на самото воспаление.
Според мислењето на стручњаците, потребни се дополнителни истражувања за да се утврди кои жени може да имаат најголема корист од земањето ниски дози на ацетилсалицилна киселина за да им се намали ризикот од појава на овој карцином.
