Професор Мајкл Левит, кој точно предвиде колку случаи на зараза и смртност ќе има во Кина, вели дека состојбата во Италија и во Њујорк се поправа. Тоа се двете најпогодени места на светот во кои се наоѓаат една третина од вкупно потврдените случаи на заразата со КОВИД-19 во светот.
Италија стана епицентар на заразата откако Кина ја стопираше епидемијата, но САД набрзо ја превзема улогата на најголемо светско жариште.
Најпогодена е сојузната држава Њујорк со над 75.540 случаи – најмногу од било која друга држава по Италија (110.574) и Шпанија (104.118).
Професор Левит вели дека во Италија состојбата се поправа, а официјалните бројки се чини го поткрепуваат тврдењето. Имено, во Италија секој ден има помеѓу пет и шест илјади новозаразени во последните десет дена.
Ситуацијата во Њујорк за нијанса понесигурна, оти дневниот раст на новозаразени во последните три дена е 7.000, а пред тоа растот беше уште поголем. Оваа недела ќе биде пресудна и ќе открие дали епидемијата ќе продолжи.
“Ситуацијата во градот Њујорк, околу кој сите се толку вознемирени, малку по малку се менува. Клучниот момент помина и камионот наречен КОВИД-19 кој возеше кон Њујорк веќе не се забрзува, туку кочи, што значи дека состојбата се подобрува“, изјави професор Левит и додава дека нема доволно податоци за Велика Бротанија бидејќи има премногу одвоени жаришта, но состојбата во Италија се подобрува, како и во Швајцарија.
Наскоро, објаснува проф. Левит ќе стигнат вести за смирување на состојбата во Италија, како и во Швајцарија. Се надеваме, се уште не сме сигурни, дека и Шпанија ќе се приклучи во избраната група на земји во кои состојбата се смирува.
“Тестовите на антитела, како последна фаза на обработка, ќе бидат клучни за разбирање на епидемијата и очекуваме тие за неколку дена да станат достапни“, изјави проф. Левит.
