Најновото лабораториско истражување спроведено на глувци покажало дека амилоидните плакови во мозокот, кои се поврзани со Алцхајмеровата болест во почетен стадиум, можат успешно да се отстранат со помош на терапија, која е тесно насочена кон протеинот познат како APOE, кој се наоѓа внатре во амилоидниот плак.
APOE антителата биле инјектирани во глувците со цел да се поттикне нивниот имунолошки систем да го нападне APOE протеинот. Споменатата терапија успеала да го намали бројот на амилоидни плакови во мозокот на глувците за половина, се наведува во „Journal of Clinical Investigation“.
Антитела против АПОЕ (во црвена боја) се врзуваат за амилоидни плакови (во сина боја) во мозочното ткиво кај лицата со Алцхајмерова болест. Истражувачите откриле дека антителото може да ги отстрани штетните плакови, барем кај глувците, што може да доведе до терапија за катастрофалната болест
Инаку, се смета дека формирањето на амилоидни плакови доведува до слабеење на когнитивните способности, кои може да се забележат кај Алцхајмеровата болест. Постојат многу докази дека амилоидните плакови се поттикнувач или предизвикувач на Алцхајмерова болест.
Научниците сметаат дека доколку амилоидните плакови се отстранат од мозокот доволно рано, Алцхајмерова деменција може да се одложи или да се забави.
Алцхајмеровата болест е шеста водечка причина за смрт во САД.
