Најчестите симптоми на позаразниот нов сој на КОВИД-19 во нешто се разликуваат од досегашните симптоми на првичниот коронавирус, покажало ново истражување.
Инфицираните со новиот сој имаат поголема веројатност да развијат “класични“ симптоми како кашлица, болка во грлото, замор и болки во мускулите, а многу помалку се пријавени случаи на губење на осетот за мирис и вкус, објавено е во студија на Државниот завод за статистика на Англија.
Гастроинтестинални симптоми, отежнато дишење (краток здив) и главоболка се јавуваат во иста мера.
Заразените биле прашани дали искусиле разни можни симптоми една недела пред да бидат тестирани, како и кои симптоми поврзани со КОВИД-19 ги имале во последните седум дена.
“Најголема е разликата во кашлицата, болката во грло, заморот и болките во мускулите“, информираат англиските експерти, истакнувајќи дека тие симптоми се почесто забележани кај новиот сој.
Тие напоменуваат дека е се уште рано да се каже дали новиот сој на коронавирус е посмртоносен.
