Иако досега повеќе од 100 научни истражувања ја поткрепиле корисноста на кокосовото масло, повремени се јавуваат и спротивставени мислења. За да ја разреши контраверзноста, д-р Мајкл Мосли во соработка со Универзитетот Кембриџ организирал експеримент за јавноста.
Истражувачкиот тим ангажирал 100 доброволци, сите постари од 50 години. Пред и по експерментот измерени биле: тежината, висината, обемот на половината, телесните масти, крвниот притисок и нивото на холестерол. Потоа истражувачите ги поделиле учесниците во три групи за експерминетот кој траел четири недели.
Првата група во текот на овој период секој ден консумирала околу 50 г или две лажици кокосово масло. Втората група секојдневно јадела маслиново масло. Третата секојдневно внесувала 50 г путер. Резултатите го покажале следново.
- Групата која јадела само путер имала околу 10 % зголемување на ЛДЛ или лошиот холестерол. Истовремено нивото на ХДЛ или добриот холестерол бил зголемен за пет проценти.
- Групата која внесувала маслиново масло нема зголемување на лошиот холестерол, а имала зголемување на нивото на добриот за пет отсто.
- Групата која консумирала кокосово масло нема зголемување на лошиот холестерол, а имала зголемување на добриот холестерол за 15 %.
Истражувачите, исто така, забележале дека учесниците не добиле на телесна тежина, иако внесувале заситени масти. Тие испитаниците ги заситувале, така што во целина јаделе помалку.
Ова е прво истражување од ваков вид во Англија и е објавено во престижното медицинско списание British Medical Journal (BMJ).
