Иновативните начини на употреба на хемотерапијата може значително да го продолжат животот на пациентите со операбилен карцином на панкреас, еден од најсмртоносните видови рак во светот, покажале резултатите од две нови клинички испитувања.
Првото клиничко испитување покажало дека комбинацијата на четири хемотерапевтици mFOLFIRINOX (оксалиплатин + леуковорин + иринотекан + 5-флуороурацил) може да го продолжат животот за речиси две години во споредба со стандардната терапија за рак на панкреасот со гемцитабин. Овие резултати се сметаат за голем напредок, со оглед на фактот што севкупното преживување се поместува од три на речиси пет години.
Второто клиничко испитување покажало дека комбинацијата на хемотерапија и терапија со зрачење пред операцијата може да ја подобри целокупната стапка на преживување.
Во моментов, за жал, околу 95 проценти од пациентите со рак на панкреасот умираат од болеста. Ракот на панкреасот заедно со ракот на белите дробови се смета за најсмртоносен карцином, било наведено на Годишниот состанок на ASCO (ASCO annual meeting 2018).
