Конзервираната туна содржи и до сто пати повеќе цинк од дозволените количини, покажало новото истражување. Овој минерал често се користи за обложување на внатрешноста на конзервите, поради своите анти-микробни својства, што помага месото од туна да има подолг рок на траење.
Новите истражувања покажале дека цинкот стигнува до храната, па со самото тоа и во човечкиот дигестивен систем, влијаејќи на способноста организмот да ги апсорбира нутриентите. Исто така, може да влијае и на внатрешните органи и да ги направи пропусливи за токсините, кои тогаш полесно стигаат до крвотокот, предупредуваат стручњаците.
“Зголемената пропустливост на цревата не е добра, бидејќи тоа значи дека супстанците кои не треба да стигнат до крвотокот тогаш може да го направат тоа“, вели авторот на студијата, проф. Гречен Малер, од Универзитетот во Њујорк.
Претераното внесување на цинк може да доведе до треска, пораќање и губење на свеста.
Туната најконтаминирана
Истражувачите анализирале конзервиран зеленчук, туна, шпаргли и пилешко. Овие намирници биле избрани за анализа, затоа што природно содржат малку цинк, а се пакуваат во конзерви чија внатрешност е обложена со тој минерал. Резултатите покажале дека туната во конзерва, дури и оној дел во средината е контаминирана и дека во неа се наоѓаат 5.000 милиграми по литар цинк.
Втора најконтаминирана намирница е пилешкото месо, потоа шпарглите, кои од прилика имаат две третини цинк колку и туната, додека зеленчукот во конзерва има третина од таа вредност на цинк.
Во лабораториското истражување е утврдено дека мали фрагменти цинк во цревата може да предизвика воспаление и да ги направат цревата пропусливи за токсините, кои полесно стигнуваат до крвотокот.
“Тешко е да се каже дали сето ова може да остави некои долготрајни последици на човековото здравје“, вели професорот Малер.
