Летото е едно од најубавите годишни времиња. Период од годината кога најмногу време поминуваме во природа. На планина, езеро, море… Затоа доколку сакате вашето патување, одмор… да поминат безгрижно со себе понесете ја својата патна аптека со производи кои можат да ви помогнат во одредени ситуации со кои може да се соочите додека престојувате во природа, на сонце…
ПАНАЦЕА и ГАЛЕНИКА обезбедија подароци за 10 наши верни читатели, a сопственик на еден од нив можете да станете ако одговорите точно на прашањето во продолжение. Имињата на најсреќните читатели ќе бидат објавени на два пати (денес и следниот понеделник), и тоа по пет.
Значи, правилата за учество се едноставни, односно добитник на патна аптека можете да станете доколку не следите на нашата Фејсбук-страница и во коментар под постот го напишете точниот одговор, а тој се крие токму на страниците на Панацеа.мк;
Прашањето гласи:
На кој начин може да се изведе рехидратацијата и корекцијата на електролитниот баланс и баланс на течностите?
Во патната аптека освен неколку основни препарати кои можат да ви бидат од голема помош додека сте на одмор, има уште неколку изненадувања за целото семејство.
ЈЕКОДЕРМ МАСТ – Содржи рибино масло кое е богато со витамин А, ја ублажува и ја забрзува регенерацијата на кожата предизвикана од изгореници, а на сувата и кожата што се лупи и обезбедува хранливи материи кои ја зголемуваат еластичноста и ја прават мазна.
ОЛИГОГАЛ Се – За живот без стрес! Додаток во исхраната кој содржи селен во комбинација со витамини А, Ц и Е. Селенот е есенцијален олигоелемент, неопходен за нормално функционирање на организмот. Освен што помага во одржувањето на природната рамнотежа во организмот, придонесува и за забавување на процесот на стареење. Во услови на изложеност на стрес, токсични и останати штетни агенси (делување на тешки метали, УВ и јонизирачко зрачење, смог, пушење, прекумерно консумирање алкохол) селенот и витамините А, Ц и Е имаат антиоксидирачко и заштитно дејство.
ПАНТЕНОЛ МАСТ – Оваа маст кај здравата кожа помага во зачувувањето на правилната функција, додека кај оштетената или болна во стимулацијата на регенеративните процеси. Маста се прави од масни материи од природно потекло; на кожата и ги обезбедува неопходните хранливи материи, и дава мазност и сјај и ја зголемува еластичноста. Од голема помош е кај помали изгореници, помага при ублажување на симптомите како резултат на прекумерно сончање, иритации, убоди, суви и испукани усни и брадавици на дојките, екцематозни промени… Може да се применува и како козметички препарат кај повозрасната, сува и уморна кожа на лицето.
ОРОСАЛ 65 – Идеално решение за орална рехидратација кај деца и возрасни! Станува збор за комбинација од глукоза и електролити во оптимален однос. Служи за лекување на дехидратација, како и одржување на постигнатиот баланс на вода и електролити во различни патолошки состојби. Терапијара со Оросал 65 се базира на активниот контратранспорт на глукоза и натриум во тенкото црево. Се користи за лекување на сите дигестивни пореметувања проследени со дијареја и/или повраќање; во лекувањето и превенцијата на дехидратација; во реалиментација на детето заболено од акутен ентероколитис, при што при приготвувањето на оброците (млечни формули) се користи Оросал 65 место вода. Оросал 65 е наменет за сите возрасти.
ГИНГИВАЛ ГЕЛ – Мелем за вашите непца! Се препорачува како помошно средство за одржување и поддржување на резултатите кои ги постигнал вашиот стоматолог, спроведувајќи стандардна терапија и тоа кај пациенти со знаци на воспаление на непцата како резултат на гингивитис, парадонтопатија, наслаги од каменец…
Добитниците на мини патните аптеки ќе бидат избрани по случаен избор!
Сите добитници на подароците од Панацеа и Галеника истите ќе можат да ги подигнат со приложување на документ за лична идентификација (по објавувањето на имињата во понеделник) од просториите на претставништвото на Галеника во Скопје, лоцирани на бул. Кочо Рацин 14 (во центарот на градот)
СРЕЌНО!
Ваши Панацеа и Галеника
