Постојат повеќе видови на диети меѓу кои се и оние кои се држат од здравствени причини. Меѓутоа, многу се популарни оние кои овозможуваат брзо намалување на вишокот килограми. Многу луѓе, особено жените, најчесто се решаваат за диета заради убавина, па користат ригорозни диети кои не се прилагодени на начинот на живот и потребите на организмот.
Кога станува збор за ригорозни диети кои овозможуваат за краток временски период да се ослободите од вишокот килограми, многу лесно може да дојде до нуспојави кои може да бидат причина за многу болести.
Иако во светот оддамна не се актуелни слабите жени, кај нас се уште се копнее по тесна половина и што помалку килограми, што доведува до сериозно нарушување на здравјето.
Негативни последици
Постојат диети кои ги препишуваат стручњаци, и тие се индивидуални за секој човек во однос на потребите и можностите на нивниот организам.Но, постојат и такви диети кои се применуваат заради одржување или враќање на здравјето, поради што одредени намирници се избегнуваат, додека пак други се консумираат во големи количини.
Меѓутоа, оние диети кои се применуваат само со цел да се изгубат килограми и тоа што е можно побрзо – најчесто се многу штетни, прво затоа што вклучуваат изгладнување, а не само избегнување на одредени намирници. На овој начин може да дојде до недостаток на протеини во организмот, па телото почнува „само да се јаде„. Тогаш доаѓа и до пад на имунитетот, заради што организмот не може да се бори, па опасноста од разни болести е поголема.
Исхраната во голема мера влијае на крвната слика, а влијае и на нашите ментални процеси, расположение… Затоа, оние кои сакаат да држат диета, но притоа и да си го сочуваат здравјето, треба да побараат помош од стручни лица или редовно да внесуваат намирници како што се свежо овошје, зеленчук, јаткасти плови и големи количини вода.
