Во текот на студените денови, кои, за среќа, се уште ги немаме зголемете го внесот на намирници кои содржат витамин Д, како што се печурките, морската риба и млекото збогатено со овој витамин.
За да одбегнете појава на сува кожа, коса и нокти, користете препарати за нега со витамин Е и јадете повеќе намирници богати со овој витамин – на пример, авокадо, пченици никулци, семки од сончоглед, спанаќ, бадеми…
Доколку сакате да ги намалите шансите за појава на зимски замор, како и настинки и грип, секако, зголемете го внесот на витамин Ц – со појадокот изедете две кивија или мандарини, а попладне испијте цеден портокал или лимонада и ќе направите одлична работа за вашиот организам!
При замор помага магнезиумот, кој можете да го внесете преку намирници како што се зелениот листест зеленчук, банани, јаткасти плодови и црно чоколадо или со редовно консумирање на вода богата со овој минерал.
Доколку сте склони на недостаток на железо, можно е овие денови да сте поизморени од вообичаено – одделна храна како што се спанаќот, сардините, црниот дроб, пилешкото, мисиркиното, семките од тиква; како и додатоците во исхраната со овој минерал ќе ви обезбедат дополнителна енергија и ќе го поттикнат снабдувањето на сите органи во телото со кислород.
За силен имунутет препорачуваме да јадете храна богата со цинк, како што се морските плодови, спанаќот, индискиот орев и семките од тиква, и селен, со кој изобилуваат бразилскиот орев, семките од сончоглед и печурките.
