Научниците докажаа како најчестото вирусно заразно средство кај луѓето и доминатната причина за настинки, риновирусот, може да поттикне природна одбрана на организмот против други вируси. Тие заклучиле дека на тој начин, обична настинка може да биде заштита од болест КОВИД-19.
Студија спроведена од страна на научници на Универзитетот јеил, заклучува дека присутноста на риновирус поттикнува создавање на антивирусниот агенс интерферон, а станува збор за дел од почетната фаза на одговорот на имуниот систем на нападот од патогени.
Д-р Елен Фоксман од Универзитетот Јеил смета дека познатиот вирус кој предизвикува настинка, поттикнува нормален одбранбен механизам на клетките на дишните патишта.
“Клетките кои ќе формираат заштита на дишните патишта е токму тоа место каде сите вируси доаѓаат како би се размножувале“, појаснува д-р Фоксман и додава дека тоа вклучува грип, настинка и КОВИД-19 или сите вируси кои во себе можеме да ги внесеме преку дишење.
Таа смета дека таковиот одговор на организмот делува и против болеста КОВИД-19.
Доколку правите ваков експеримент во лабораторија, можете да “додадете“ интерферон во клетките и така да го блокирате вирусот кој предизвикува КОВИД-19. Секако, само што започнуваме со експериментите“, појаснува д-р Фоксман.
Според докторката, понекогаш се случуваат неочекувани работи, па е потребно да се спроведат дополнителни експерименти за да се видат вистинските резултати, а се работи за нешто кое во моментов е во процес.
Таа непоменува дека имунитетот базиран на интерферони трае до две недели и инфекцијата нема да ја спречат засекогаш, но сигурни се во нивното делување кога е во прашање грипот, додека КОВИД-19 е непредвидлив. Интерферонот може да биде добра одбрана против многу вируси, но делува само на почетоците на инфекцијата кога спречува “раст“ на вирусот.
“Можеби треба да вложиме малку повеќе труд и да го користиме овој одговор на организмот како привремена заштита за лицата кои се во ризична група“, заклучува д-р Фоксман.
